Hejnkes: Bajerni unik në lojë

Trajneri i gjigantëve bavarezë, Jap Hejnkes i kundërpërgjigjet akuzave të trajnerit të Borusia Dortmund, Jurgen Klop në lidhje me kopjimin e teknikave nga ana e tij. “Bajerni bën pjesë në botën e futbollit shumë më përpara se Klop dhe ne kemi patur gjithmonë stilin tonë të lojës. Nëse një ditë Jurgen do të ketë shansin të drejtojë Bajernin apo Realin e Madridit do ta kuptojë se bota është komplet e ndryshme nga ajo që ka parë deri më tani”, theksoi Hejnkes. Bajerni shihet si pretendent për të fituar Ligën e Kampioneve këtë edicion, nisur dhe nga kualiteti që ka por edhe forma e mirë sportive e lojtarëve të tij. Riberi, Roben, Shvajnshtajger, Lahm, Mandzukiç, Gomez, Muller, etj, janë dëshmi e një skuadre plot me elementë cilësorë e pretendentë. Në kampionatin gjerman Bajerni është i pakapshëm.