Berisha viziton Kosovën

06 October, 2009 13:12:00

Font size:

Kryeministri Berisha nderohet me “Medaljen e Artë të Lirisë”, akorduar nga Presidenti I Republikës së Kosovës, Fatmir Sejdiu.

Kryeministri Berisha është nisur për sot një vizitë dyditore në Kosovë. Takimin e parë kreu i qeverisë do ta zhvillojë me Kryeministrin Hashim Thaçi, me të cilin do të nënshkruajë edhe 6 marrëveshje. Në mesditë Berisha do të zhvillojë një takim me Presidentin Sejdiu dhe Kryetarin e Kuvendit, Jakup Krasniqi.

Dita e parë e vizitës ka edhe një fjalim në Kuvend dhe homazhe në varrin e ish-presidentit Ibrahim Rugova dhe vizitë në familjen e tij.

Gjatë ditës së dytë, kreu i qeverisë do të udhëtojë për në Prekaz, ku do të bëjë homazhe dhe vizitë në familjen e Adem Jasharit. Gjatë paradites të së Mërkurës Berisha do të bëjë një vizitë në monumentin “New Born” , si edhe do të takojë përfaqësuesin e BE-së, Pieter Feith.

Dhe në fund Kryeministri Berisha do të zhvillojë edhe një vizitë në bjeshkën e Prevallisë.