Shpresa e jetës

Nga  Arjan Kallço 

Koha e braktisjes po mbaron,

akoma endemi të përgjumur 

në betejat e fundit, por

mes fundit dhe fillimit 

s'ka më paqe.

Pranvera është shpresa e jetës e 

çdo barkë shumë shpejt 

do ketë kapitenin e vet.

* * *

Zogu i stuhisë

lodron i qetë mbi liqen

S'ka re horizonti

* * *

Marsi pranveror

Vallëzim hyjnor mjellmash

mbi valë gjoli

* * *

Zjarri i mbrëmjes

kërcëllet sot rrugëve 

Zgjimi po troket

* * *

Re hileqare

Nëpër qiellin e kaltër

nuk ngjizen gjurmët

* * *

Zëri i shkurtit

ende gëlon i mpirë

në morsa dimri

* * *

Udhëtim kohësh

Maska kurrë s'e harron

fytyrën e vet

© Arjan Kallço