Mistike

Nga Artur Baku

Mbase do kryqëzohemi diku,

në terminale aeroportesh, 

me pasaporta të bardha në duar, 

ku shkruhet: Republika e Harresës!

* * *

Rrugë

Nuk di ku t'i fshihem 

kësaj stuhije yjore, 

që pikon zjarr mbi gjithësi,

e akullt më është mungesa jote...

Ja erdhi viti elektoral! Të gjitha rrugët universit

u rikonstruktuan me tendera të hapur, 

veç rruga ime për tek ti,

mbetet e pakryera e vetme e kësaj bote...

U thinjën dhe hyjnitë 

nga pritja e ndërtimit të një rruge të vogël të kësaj bote.

Ku t'i fshihem kësaj stuhije yjore?

Të gjitha rrugët më çojnë te mungesa jote...

* * *

Mistike

Eci mbi dunat

e kohës kozmike

s'i murg i arratisur 

nga kore liturgjishë

nata më mbulon

më pelerinën e saj 

të qendisur me fijet 

e vetmisë së botës.

Brenda meje 

i gjithë universi

një manastir kohë - hapësire

ndriçuar nga flakë yjesh.