Home | Literature | Hardhia e egër

Hardhia e egër

image
Jam një hardhi e egër, të tillë e pata fatin

Ti bëmu panjë e bardhë, që të të vij rreth shtatit!

 

 

 

 

 

 

Mowlana Jalaluddin Rumi 

 

 

 

 

Jam një hardhi e egër, të tillë e pata fatin

Ti bëmu panjë e bardhë, që të të vij rreth shtatit!

 

Jam dredhëz shermasheku, ti bëmu pishë e bukur

Të kem se ku të qepem, mos ndehem nëpër pluhur!

 

Jam fluturak i drojtur, ti bëmu e fortë flatër

Të kridhem në hapësirat e qiellit tënd të kaltër!

 

Jam një dori i lodhur, ti bëmu shpore e çpome

Tek ti, nga largësirat, revan të vij gjithmonë!

 

Jam një vulla i shkrifët, ti trëndafil harlisu

Në gjoksin tim, që vlagën të mos ma thithin krisjet!

 

Jam mugëtira e lindjes, ti dil që nga humnerat

E mjegullat shpërndami, si dielli, përngahera!

 

Jam nata e pahënë, oh, vello yjesh pa numër

ti bemu, të mos trembem e të marr frymë i lumtur!

 

 

 

 

Përkthyer nga Jorgo Bllaci 

Subscribe to comments feed Comments (0 posted)

total: | displaying:

Post your comment

  • Bold
  • Italic
  • Underline
  • Quote

Please enter the code you see in the image:

Captcha
Share this article
Rate this article
5.00