Latest News
Karnavalet
Font size:
Si frynin erërat e stinës ashtu mbrëmë, sikur pranvera jepte koncert me tre violinistët e muajve të saj, në sheshet e rrugëve dhe periferitë.
Nga Frederik Rreshpja
Karnavalet
Ditën e karnavaleve të botës
maska gjithëfarësh, nën ritëm prej shiu,
luajnë kuplete me fund gazmor,
kafshë imitojnë, insekte xhunglash,
asimetrikisht bëjnë pirueta,
për të harrur maskat e vërteta.
Stina e gëzuar
Si frynin erërat e stinës ashtu mbrëmë,
sikur pranvera jepte koncert me tre violinistët
e muajve të saj,
në sheshet e rrugëve dhe periferitë.
Si endeshin të dashurit nën ombrellat gazmore,
dy nga dy.
Dhe shpërndaheshin mes blerimit nën ritmin
e shiut.
Të gjitha këto ndodhën mbrëmë,
kur të prisja ndanë një BAR-i
dhe emrin ta gdhendja në avujt e xhamit.
:
del.icio.us |
Digg
del.icio.us |
Digg
Post your comment