* * *

Dritan Mesuli

Aty ku shpresa
Është tastjerë e fshehur
Në guackë
Një zog shtegues
Po çel vezë flamujsh.

Në bacën e pushtuar prej grami e rrodhesh
Këmbët e diellit
Shkundin ajsbergë kronikë
Që ulërijnë në shkrirje.

Frika ime s'je vetëm!!!
Fatkeqësisht!!!

Në ballkone të zhubravitura
Shikimi balsamos thinjat e mia!

Kam ftohtë në guackë, zëri im!
Dhe në skutat e natës
Që janë të etura
Për çfarëdo lloj kuisjeje!!!