Ikje

Nga Gentian Banaj

Hapat,
Kryejnë ritual ikjeje.

Mendimi trokon me hapa të ikuri.

Shoh flokët ku lindi dielli
Dhe kuptoj që jam perëndim.

Pranvere dhe Korb

Një pranverë e klithur!
Dhe mbytet syri i shkruar me natyrë.

Ngjyrat shuhen ngadalë.

Një zog
Pëllumb a korb të jetë?
Vërtitet
Herë në pranverë
Herë në klithje.

Kitara

Një tel këputet
Kitaristi shpohet në sy
Nota vdes, gjysmë kitarist
Gjysmë varr kitara.

Eksod

Deti përlotur zgjat krahët prej uji.
Një lodër fle ne bregun e gjerë .
Varka ikën pa busull delfinësh;
Kufomë fëmijërie lodra në rërë.