image

Cikël poetik nga Virion Graçi

Eh… Perëndoi ai shekull i artë...

 

 

 

Nga Virion Graçi

 

 

*

Shumë gjëra na dorëzohen të gjalla

 

Sendet e të vdekurve

Dorëshkrimet e të heshturve

Këpucët e ulokëve, albumet familjare

Vajzat e hoteleve.

 

Shumë gjëra na dorëzohen të heshtura

 

Sendet e të vdekurve

Dorëshkrimet e të heshturve

Këpucët e ulokëve, albumet familjare

Vajzat e hoteleve.

 

Shumë gjëra na dorëzohen të mplakura

 

Sendet e të vdekurve

Dorëshkrimet e të heshturve

Këpucët e ulokëve, albumet familjare

Vajzat e hoteleve.

 

Shumë gjëra na dorëzohen të shenjtëruara

 

Sendet e të vdekurve

Dorëshkrimet e të heshturve

Këpucët e ulokëve, albumet familjare

Vajzat e hoteleve.

 

E vërteta s’është vetëm e tashme.

 

*

Eh… Këngë e filluar me tytë pistolete

E vazhduar me bisht fshese

E vulosur me të kuq buzësh.

 

Eh… Dramë e filluar me perde të mbyllura

E vazhduar me vernik të skaduar qyshkur

E vulosur me të kuq buzësh.

 

Eh… Mbrëmje e filluar me brumë petullash

E vazhduar me tehun e një thike

E vulosur me të kuq buzësh.

 

Eh… Perëndoi ai shekull i artë

Ai shekull përsiatjesh, dilemash, psherëtimash.

 

Shekull me ethe, serenata

Semaforë, senatorë.

 

Perënduan vargmalet, gadishujt, lagunat.

 

Në perëndim e sipër perëndoi

Vetë perëndimi.

 

 

© Virion Graçi

Subscribe to comments feed Comments (0 posted)

total: | displaying:

Post your comment

  • Bold
  • Italic
  • Underline
  • Quote

Please enter the code you see in the image:

Captcha
Share this article
Tags
Rate this article
5.00