Tufëz Haiku nga A. Baku

Nga Artur Baku

(njeriu, natyra, jeta)

1.E verdha e fjalëve,

të gjelbrën e syve mbulon.

Alfabet vjeshte

2.U shkri hëna

mpiksur me argjend Buna.

Natë me filigran

3.Gjethe mjegulle

bien nga pemë e natës.

E largët dita

4.Kujtesë e bardhë

saora rroken mungesat.

I largët zëri yt

5.Diell i praruar

më ndriçon me përjetësi

Ave dita ime.

6.Siluete gri

larë argjend diellor.

Telajo dimri

7.Dite me diell 

Bulzojnë gjethe qershi 

Mbushem me jete

8.Hënë cigane

udhës qumështit endet.

Boheme nata

9.Andje erëmirë

çliron zemra zambakut.

Parfum stinor

10.Gjallojnë sythet

mbi të thyerat gema

në buzë prilli

11.Qiej të mugët.

Shkumësa yjesh heqin

viza dritëzash

12.Shtegtuan zogjtë

rend pas vazhdës së tyre

Frymë e Boreas*

13.Vazhdë muzgore

e payllzuar zbret nata.

Naziqe hana

14.Vjeshtë. Muzikë

e shtatorit xhaz yjesh.

Dy gota verë

15. Shkundullim drite

Lëkunden shpirtrat e natës.

Mëngjes diellor

© Artur Baku