Tërshëra, drithi magjik

Tërshëra është një produkt që shpesh është përdorur vetëm në raste dobësimi, por në të vërtetë ajo ka një ndikim të madh në lidhje me shëndetin e organizmit tonë.

Ajo ka efekte të shumta të shëndetshme për organizmin e njeriut:

Ul kolesterolin

Tërshëra është një burim i pasur fibrash (fibra të cilat mund të gjenden dhe në mollë, dardhë, kumbulla të thata etj). Këto lloj fibrash pengojnë thithjen e LDL-së, i njohur si kolesteroli i keq. Një filxhan tërshërë përmban më shumë se 5 gramë fibra, të cilat janë të mjaftueshme për të ulur nivelin e kolesterolit.

Ul rrezikun e presionit të lartë të gjakut

Fibrat që përmban tërshëra ofrojnë përfitime të shumta kardiovaskulare, përfshirë këtu edhe reduktimin e rrezikut të presionit  të lartë të gjakut. Është e rekomanduar që gratë në menopauzë, të cilat e kanë në tendencë rritjen e presionit të gjakut, të hanë tërshërë çdo mëngjes.

Është e pasur me antioksidantë

Tërshëra përmban një lloj të veçantë antioksidanti që quhet avenanthramide. Ky antioksidant ndihmon  në luftimin e radikaleve të lira, që ndikojnë në sëmundjet kardiovaskulare.

Stabilizon sheqerin në gjak

Një dietë e lartë në fibra  stabilizon nivelin e sheqerit në gjak. Ajo ndihmon gjithashtu në parandalimin e diabetit. Përveç fibrave, tërshëra është një burim i mirë magnezi, i cili rregullon nivelet e insulinës dhe glukozës.

Rrit sistemin imunitar

Tërshëra përmban një lloj fibre të caktuar të quajtur beta-glukan. Kjo fibër ndihmon kundër sëmundjeve të zemrës dhe rrit sistemin imunitar. Ajo ndihmon edhe në luftimin e infeksioneve bakteriale.

Ndalon shtimin në peshë

Të hash ushqim dhe të mos shtosh peshë tingëllon si një lloj diete e përsosur. Tërshëra është aq e pasur me fibra, sa t’ju mbajë të ngopur për një kohë të gjatë. Fibrat rrisin viskozitetin e përmbajtjes së stomakut në mënyrë që ai të mos ndihet i zbrazur. /ATA/

Kina kodon mesazhet

Një ekip hulumtuesish kinezë ka kryer me sukses një transmetim të të dhënave nëpërmjet një kanali kuantik mbi një distancë prej pothuajse 3 kilometrash, një rekord i ri.

Nëse kjo vërtetohet do të shënojë një moment historik të rëndësishëm në metodat e komunikimit kuantik  dhe dërgimin e mesazheve që nuk mund të interceptohen ose spiunohen.

Të dhënat e koduara kuantike nuk mund të përgjohen, sepse një palë e tretë që ngatërron kanalin e komunikimit shkakton një mesazh kuantik duke bërë që marrësi dhe dërguesi do të dinë se dikush po tenton t’i kapë.

Ekipi hulumtues kinez pretendon se sistemi i tyre mund të jetë i shkallëzuar për të dërguar mesazhe “dhjetëra kilometra”.

SHBA nuk i ka ato aftësi aktualisht.

Nëse komunikimi kuantik bëhet normë e re, do të lehtësojë nevojën për çdo formë të enkriptimit.

Ndërsa enkriptimi më i mirë i sotëm është pothuajse i pathyeshëm, nuk është 100 për qind i sigurt.

Kështu, zhvillimi i sistemeve kuantike bëhet një çështje e sigurisë kombëtare.