Në Kamachatka : - 55 gradë Celsius

 

 

 

 

Një nga temperaturat më të ulëta rekord u regjistrua në Kamchatka, Rusi.  Sipas matjeve të bëra nga meteorologët e këtij vendi është konstatuar se temperatura ka arritur në minus 55 gradë Celsius, ndërsa në pjesën më të madhe të Rusisë lindore, temperaturat sillen në mes të minus 25 dhe 46 gradë Celsius. Meteorologët kujtojnë se temperatura më e ulët që është regjistruar ndonjëherë në Rusi ishte në vitin 1892 në Verhojansku, minus  67 gradë Celsius.Temperatura më e ulët e matur jashtë vendbanimeve është arritur më 21 korrik 1983 në stacionin Vastok të Antarktidës, i cili ndodhet në një lartësi prej 3488 metra mbi nivelin e detit, dhe ajo ishte minus 89 gradë.