* * *

* * *

Ndërsa ka prezantuar rezultatet financiare për tremujorin e tretë të vitit, BlackBerry ka bërë publike humbjet. Humbjet për tremujorin e tretë të vitit për kompaninë BlackBerry arritën në 4.4 miliardë, ose - 8,37 dollarë për aksion. Kompania deklaroi se ka arritur të shesë vetëm 1.9 milionë telefona gjatë tremujorit të tretë të këtij viti, një rënie kjo nga 6.9 milionë njësi aq sa kishte shitur në tremujorin e njëjtë të vitit të kaluar. Ndërkaq, BlackBerry njoftoi se ka arritur një marrëveshje të re 5 vjeçare me kompaninë Foxconn, me të cilën do të shohin mundësi të zhvillimit të modeleve të reja të telefonave të mençur, të cilët do të kenë kosto më të ulët, për ta plotësuar këtë segment të tregut, i cili është ende tejet i rëndësishëm në industrinë mobile. 

* * *

Video reklamat të cilat publikohen në Facebook, do të jenë një biznes shumë fitimprurës për rrjetin më të madh social në botë. Sipas firmës Topeka Capital, bëhet me dije se Facebook do të gjenerojë deri në 900 milionë dollar në vit nga reklamat me video, të cilat faqja do t’i shesë online për ata që duan të reklamojnë në këtë format.