Grupi i FMN-së sërish në Tiranë

Arriti  sot në Tiranë ekipi ik Fondit Monetar Ndërkombëtar, të cilët gjatë qëndrimit të tyre do  të zhvillojnë takime me drejtuesit e qeverisë dhe ministrisë së Financave.

FMN pritet të japë rekomandimet për paketën fiskale dhe projektbuxhetin e vitit të ardhshëm, dy dokumente të hartuara nga dikasteri i Financave, por që ende nuk janë bërë publike dhe nuk janë diskutuar me komunitetin e biznesit. Gjithashtu, temë e diskutimeve me FMN-në do të jetë edhe draft-marrëveshja e bashkëpunimit me qeverinë shqiptare.

Në përfundim të vizitës së tyre, misioni i FMN-së do të zhvillojë një konferencë të përbashkët për shtyp me Ministrin e Financave, Shkëlqim Cani dhe Guvernatorin e Bankës së Shqipërisë, Ardian Fullani.