* * *

* * *

Shërbimi i famshëm për foto dhe video mesazhe, Snapchat, ka ardhur me një lajm të ri, të cilin e ka transmetuar faqja CNET, e cila ka cituar kompaninë ku ka publikuar lajmin se në Snapchat janë dërguar mbi 400 milionë mesazhe në ditë (të njohura ndryshe edhe si snaps), dhe se shumica e këtyre snaps janë foto dhe jo video. Nëse krahasohet numri i fotografive të ngarkuara në shërbim, del se në Snapchat përdoruesit në baza ditore ngarkojnë më shumë fotografi, sesa në rrjetin social, Facebook. Në rrjetin social Facebook, numri i fotografive të ngarkuara për ditë arrin në 350 milionë, apo 50 milionë më pak sesa në Snapchat, edhe pse Facebook ka shumë më shumë përdorues sesa Snapchat.

* * *

Google nxjerr në treg kartat e debitit. Për të gjithë ju që jeni të interesuar, Google Wallet, “portofoli” elektronik që Google ka hapur në SHBA për të bërë blerje nga telefoni inteligjent falë një aplikacioni të dedikuar, tashmë pranon edhe kartat e kreditit, të debitit, kartat rimbushëse, etj. Në ditët e fundit, janë pranuar të gjitha kartat nëpërmjet të cilave mund të bëhen blerje online, të çdo lloj tipi, qofshin Visa, Mastercadr, etj.