Apple me risi të reja

Këtë vjeshtë, Apple pritet të hedhë në treg një linjë të re produktesh dhe shërbimesh. Pjesë e kësaj liste do jetë një iPhone 5S, Apple TV, si dhe një orë e mençur që do të debutojë në 2014.

Këto janë disa nga përfundimet e ekspertëve, të cilat janë publikuar pas prezantimit të rezultateve financiare të Apple, nga drejtori ekzekutiv i kompanisë, Tim Cook.

Cook ka thënë se "Apple është duke punuar shumë në krijimin e harduerit, softuerit dhe shërbimeve të tjera që do të prezantohen në vjeshtën e këtij viti dhe vitin pasardhës".